ES vypłacić Armienii 3 miljony jeŭra za admovu ad vykarystańnia nazvy «kańjak»
Urad Armienii ŭchvaliŭ finansavaje pahadnieńnie ź Jeŭrasajuzam, jakoje praduhledžvaje pradastaŭleńnie Armienii 3 młn jeŭra ŭ ramkach pracesu pastupovaj admovy ad hieahrafičnaha ŭkazańnia «kańjak» dla armianskaj ałkaholnaj pradukcyi, paviedamlaje Panarmienian.net.
Praduhledžanaja pahadnieńniem prahrama finansujecca ź biudžetu ES u ramkach Jeŭrapiejskaha instrumienta susiedstva. Ahulny košt — 3 młn jeŭra. Meta finansavaha pahadnieńnia — sadziejničać spynieńniu vykarystańnia hieahrafičnaha ŭkazańnia «kańjak» dla armianskaj pradukcyi, a taksama dapamahčy pramysłovaści Armienii zachavać svaju kankurentazdolnaść na ekspartnych rynkach.
U pryvatnaści, prahrama, što realizujecca ź ES, praduhledžvaje raspracoŭku novaj nazvy dla armianskaha kańjaku, jaho rekłamu i markietynh na ŭnutranym i tradycyjnych źniešnich rynkach.
Prajekt realizujecca ŭ adpaviednaści z pahadnieńniem ab usioabdymnym i pašyranym partniorstva ź ES.
Patrabavańnie ab admovie ad nazvy «kańjak» praduhledžana padpisanym u listapadzie 2017 hoda Pahadnieńniem ab partniorstvie, jakoje całkam ustupiła ŭ siłu z 1 sakavika 2021 hoda. Zhodna z dakumientam, Armienii dali 25 hadoŭ dla admovy ad nazvy «kańjak».
