Vałanciory štaba Babaryki atrymali pa piać hadoŭ kałonii pa spravie «łaziernych ukazak»
Vałanciory štaba Viktara Babaryki — palitviaźni Ihar Jarmołaŭ, Mikałaj Sasieŭ, Uładzisłaŭ Karecki i Dźmitryj Kanapielka — siońnia atrymali pa piać hadoŭ kałonii ŭzmocnienaha režymu.
«Biełsat»
Taki prysud im vyniesła ŭ Minsku sudździa Śviatłana Bandarenka, paviedamlajuć pravaabaroncy.
Paśla prysudu Jarmołaŭ kryknuŭ: «Vy za ŭsio adkažacie!» i pračytaŭ u kletcy vierš Karatkieviča «Paŭluk Bahrym».
O, jak chočacca voli!
Žadanaja vola, ty čuješ?
Aśviaci mnie uśmieškaj
Apošnija dni u žyćci.
Ty maŭčyš?
Ty nie čuješ?
Moža, ŭ dzień, kali ty zapanuješ,
Vieras budzie stahodździ
Z raźbitaha serca raści.
Biełaruś, pračynajsia!
Ja ciabie abudžaju!
Mužčyn abvinavačvali ŭ padrychtoŭcy masavych biesparadkaŭ i navučańni ci inšaj padrychtoŭcy asob da ŭdziełu ŭ masavych biesparadkach (sprava «łaziernych ukazak»). Pavodle abvinavačańnia, jany nibyta «abmiarkoŭvali sumiesnyja dziejańni, u tym liku sposaby kanśpiracyi i procidziejańnia supracoŭnikam milicyi z vykarystańniem łaziernych ukazak».