«Budzie vielmi cikava». Ejsmant paabiacała raskazać, chto z rasijan finansavaŭ Nexta
Pres-sakratarka Alaksandra Łukašenki Natalla Ejsmant zajaviła «RIA Novosti», što krychu paźniej buduć ahučanyja proźviščy i jašče šmat «cikavaha», źviazanaha ź finansavańniem Telegram-kanała Nexta.
Raman Pratasievič u kancy minułaha tydnia raspavioŭ u efiry ANT ab niejkim rasijskim aliharchu — kankurencie Michaiła Huceryjeva, — čyja kampanija rehularna pieraličvała srodki Telegram-kanału Nexta.
Pratasievič vykazaŭ zdahadku, što Telegram-kanał u abmien na finansavańnie raźmiaščaŭ materyjały, u jakich byŭ zacikaŭleny rasijski biznesmien. Jon nie nazvaŭ jaho imia, adnak zajaviŭ, što nazva firmy źviazana «z Urałam i hornaj zdabyčaj».
U Kramli ličać, što ŭ Minsku pavinny rastłumačyć abvinavačvańni na adras niejkaha aliharcha z Rasii ŭ finansavańni apazicyi, naŭrad ci možna hulać u koški-myški, zajaviŭ u paniadziełak pres-sakratar prezidenta Rasii Dźmitryj Piaskoŭ.
«Usio tajnaje rana ci pozna stanovicca jaŭnym. I ja pierakananaja, što tak budzie i ŭ hetym razie. Ahučanyja buduć i proźviščy, i jašče šmat usiaho «cikavaha». Krychu paźniej», — skazała ŭ paniadziełak Ejsmant.
