Kitaj buduje ŭ Budapiešcie pieršy ŭ Jeŭropie kitajski ŭniviersitet. Vienhry pratestujuć
Tysiačy ludziej vyjšli na vulicy ŭ znak pratestu suprać darahoha prajekta, pakolki rost zapazyčanaści krainy pierad Kitajem i siabroŭstva premjer-ministra Vienhryi Viktara Orbana z aŭtarytarnym Kitajem mnohich aburajuć, piša DW.
Kala 10 000 vienhraŭ vyjšli ŭ subotu na vulicy Budapiešta ŭ znak pratestu suprać zapłanavanaha budaŭnictva filijała kitajskaha univiersiteta Fudań na vielizarnym učastku zakinutaj ziamli ŭ vienhierskaj stalicy.
Košt prajekta — 1,5 miljarda jeŭra, 1,3 miljarda jeŭra z hetych hrošaj pastupiać u vyhladzie kitajskaha kredytu.
Univiersitet budzie pabudavany z vykarystańniem kitajskaj rabočaj siły i materyjałaŭ.
Mer Budapiešta Hierhiej Karačoń, jaki znachodzicca ŭ apazicyi da premjera Viktara Orbana, rašuča vystupaje suprać univiersiteta ŭ svaim horadzie, i vyrašyŭ patrolić kitajskija ŭłady.
Niadaŭna mer vienhierskaj stalicy abviaściŭ ab pierajmienavańni vulic vakoł učastka kitajskaha univiersiteta ŭ «Trakt volnaha Hankonha», «Trakt Dałaj-łamy» i «Trakt ujhurskich pakutnikaŭ», kab nahadać ab parušeńni pravoŭ čałavieka ŭ Kitai.
