Padpolny druk: zatrymany dyrektar pryvatnaj drukarni
Dyrektara drukarni padazrajuć u naniasieńni škody nacyjanalnaj biaśpiecy za druk «niezarehistravanych haziet», pratesnych ulotak i stykieraŭ. Siarod haziet zhadvajecca «Sumlennaja hazieta».
Zatrymany dyrektar drukarni
«Z vosieni minułaha hoda 39-hadovy dyrektar pryvatnaj drukarni pa vytvorčaści rekłamy drukavaŭ niezarehistravanyja haziety, stykiery i ŭlotki, vykarystoŭvajučy abstalavańnie firmy», — zajaŭlajuć u MUS. Śćviardžajecca, što nadrukavanuju pradukcyju raspaŭsiudžvali kurjery pa ŭsioj krainie. Ciapier pravaachoŭniki šukajuć čałavieka, jaki zamaŭlaŭ hetyja pasłuhi.
Siłaviki źviazvajuć hetaje zatrymańnie z zatrymańniem žychara pasiołka Atolina, jakoha ŭziali ŭ sakaviku niedaloka ad stalicy padčas razvozki haziet. U jaho kanfiskavali bolš za 15 tysiač haziet, 12 tysiač palityčnych ulotak i 4,5 tysiačy stykieraŭ.
