Łukašenka ŭzmacniaje rolu Rady biaśpieki
Rada biaśpieki Biełarusi pryniała pastanovu ab mierach pa zabieśpiačeńniu nacyjanalnaj biaśpieki. Dakumient apublikavany na Nacyjanalnym pravavym internet-partale 5 červienia.
Fota Nadziei Bužan
Zhodna z pastanovaj, Rada biaśpieki pavyšaje svaju rolu ŭ pytańniach «abarony niezaležnaści, terytaryjalnaj cełasnaści, suvierenitetu i kanstytucyjnaha ładu Respubliki Biełaruś, padtrymańnia hramadzianskaha miru i zhody ŭ krainie, procidziejańnia ekstremizmu i teraryzmu».
Saviet Ministraŭ i zacikaŭlenyja dziaržorhany pavinny padrychtavać źmieny ŭ zakon ab nadzvyčajnym stanoviščy i zakon ab vajennym stanoviščy. Źmieny ŭnosiacca dla «stvareńnia dadatkovych umoŭ dla papiaredžańnia i niejtralizacyi ryzyk, vyklikaŭ i pahroz nacyjanalnaj biaśpiecy» z ulikam prezidenckaha Dekreta ab abaronie suvierenitetu i kanstytucyjnaha ładu. Adpaviedny prajekt zakona pavinien być padrychtavany na praciahu miesiaca.
Dekret ab abaronie suvierenitetu i kanstytucyjnaha ładu praduhledžvaje, što ŭ vypadku hvałtoŭnaj hibieli prezidenta ŭsie dziaržaŭnyja orhany i ich słužbovyja asoby pavinny dziejničać u adpaviednaści z rašeńniami Rady biaśpieki. Pry hetym na terytoryi krainy ŭvodzicca nadzvyčajnaje abo vajennaje stanovišča.