U Breście asudzili piatuju hrupu pa «spravie karahoda». Dvuch palitviaźniaŭ vyzvalili z-pad varty
Sud Maskoŭskaha rajona Bresta 3 červienia vynies prysudy pa «karahodnaj» kryminalnaj spravie pa č. 1 art. 342 suprać jašče 13 bieraścieŭcaŭ. Ich pryznali vinavatymi i pakarali ad 1,5 hoda chatniaj chimii da 1 hoda kałonii za ŭdzieł 13 vieraśnia ŭ karahodzie na skryžavańni bulvara Kasmanaŭtaŭ i praśpiekta Mašerava, kali pratestoŭcy byli razahnanyja vadamiotam, piša spring96.org.
spring96.org
Sudździa Jaŭhien Brehan vynies nastupnyja prysudy:
- 34-hadovy Andrej Aniskievič — 1,5 hoda «chimii»;
- 45-hadovaja Alena Łojka i 28-hadovaja Halina Čuhunova — 1,5 hoda «chatniaj chimii»;
- palitźniavolenyja 23-hadovy Radzivon Miedušeŭski i 19-hadovy Ihar Vinakuraŭ — 1,5 hoda «chatniaj chimi». Ich vyzvali z-pad varty ŭ zali suda;
- 40-hadovy Andrej Niamirski, 23-hadovy Dźmitryj Kurhanoŭ, 39-hadovaja Kaciaryna Śmirnova, 20-hadovy Mikita Uvaraŭ, 28-hadovaja Safija Ništ, Siarhiej Ksianžuk — 1,5 hoda «chatniaj chimii»;
- 25-hadovy Illa Pałchoŭski — 2 hady «chimii»;
- palitźniavoleny 27-hadovy Alaksandr Chrapko — 1 hod kałonii va ŭmovach strohaha režymu.
Mienavita takoje pakarańnie zaprašvali prakurory dla abvinavačanych na sudzie. Palitźniavolenyja 23-hadovy Radzivon Miedušeŭski i 19-hadovy Ihar Vinakuraŭ byli vyzvalenyja z-pad varty ŭ zali suda. U SIZA-7 ich utrymlivali z 16 sakavika. U Breście čakajucca prysudy pa hetaj spravie jašče ŭ adnosinach da 12 čałaviek.
Pavodle viersii abvinavačvańnia, kožny z abvinavačanych u hrupie ź inšymi asobami naŭmysna ŭziaŭ aktyŭny ŭdzieł u hrupavych dziejańniach, jakija hruba parušajuć hramadski paradak (č. 1 art. 342 KK). Ich dziejańni byli spałučanyja ź vidavočnym niepadparadkavańniem zakonnym patrabavańniam pradstaŭnikoŭ ułady, paciahnuli parušeńnie pracy transpartu, pradpryjemstvaŭ i arhanizacyj. U pryvatnaści, z-za prastoju tralejbusnamu parku byŭ naniesieny ŭron 619 rubloŭ 55 kapiejek, aŭtobusnamu — 40 rubloŭ 37 kapiejek. Akramia taho, na rozny čas pryjšłosia začynicca trom łarkam i restaranu KFC. Paciarpiełym bokam u spravie vystupaje «Tralejbusny park» i «Brescki Aŭtobusny park».