Z 7 červienia ŭ Litvie pačnie dziejničać jeŭrapiejski siertyfikat pa kavidzie
Ministerstva achovy zdaroŭja Litvy ŭ sieradu na pres-kanfierencyi pradstaviła jeŭrapiejski COVID-19 siertyfikat, jaki ŭžo dziejničaje ŭ niekalkich krainach. Paviedamlajecca, što hety dakumient harantuje biaśpiečnaje i svabodnaje pieramiaščeńnie hramadzian padčas pandemii.
Płanujecca, što da 1 lipienia padklučać da hetaha dakumienta ŭsie krainy ES, piša Delfi.lt.
Heta značyć, pry padarožžy pa Jeŭropie možna budzie karystacca hetym ličbavym dakumientam. Ale ŭ kožnaj krainie buduć svaje praviły, heta treba ŭličvać.
Pavodle litoŭskich zakonaŭ, dakumient budzie dziejničać, kali čałaviek: pryščapiŭsia dźviuma dozami Comirnaty (BioNTech/Pfizer) — praz 7 dzion paśla druhoj pryščepki; Janssen — praz 14 dzion paśla pieršaj; Moderna — praz 14 dzion paśla druhoj; Vaxzevria (byłaja AstraZXeneca) — praz 15 dzion paśla druhoj, abo kali čałaviek pierachvareŭ na COVID-19 (na praciahu 180 dzion paśla chvaroby); abo kali atrymaŭ admoŭny vynik testu na COVID-19.
Rasijskaha «Sputnika V», jakim pryščaplajuć u Biełarusi, u pieraliku pakul niama.
