Češski inviestar kupiŭ adzin z najstarejšych niezaležnych ŚMI Ukrainy
Redaktar-zasnavalnik internet-vydańnia «Ukrajinśka pravda» Alona Prytuła i hienieralny dyrektar Dragon Capital Tomaš Fijała zaklučyli pahadnieńnie, pa ŭmovach jakoha 100% karparatyŭnych pravoŭ na vydańnie i ŭsie jaho aktyvy pierachodziać u hrupu kampanij Dragon Capital.
Baki damovilisia ab tym, što redakcyjnaja palityka vydańnia i padychody da pracy zastanucca bieź źmien.
Inviestkampanija Dragon Capital čecha Fijały ŭžo vałodaje časopisam i sajtam NV, «Radio NV», a taksama kantrolnym pakietam vydańniaŭ «Minfin» i Finance.ua.
Takim čynam, Fijała stanovicca adnym z najbujniejšych ukrainskich miedyja-mahnataŭ.
Va ŭkrainskim siehmiencie hramadska-palityčnych internet-vydańniaŭ jość umoŭnaja hrupa tak zvanych «jakasnych miedyja». I NV, i «Ukrajinśka pravda» traplajuć u hetuju katehoryju.
U abodvuch jość jadro łajalnaj aŭdytoryi, jakaja ŭ toj ci inšaj formie hatovaja płacić za kantent.
Ukrainskaje miedyja-asiarodździe miarkuje, što kupla aŭtarytetnaha vydańnia moža być vyklikana nie tolki biznes-łohikaj, ale i žadańniem Fijały ŭdzielničać u palityčnym žyćci Ukrainy.
Dla Ukrainy heta cikavy precedent ŭźniknieńnia pieršaha chołdynhu «jakasnych miedyja», niezaležnych ad bujnych aliharchičnych sił.
