SAAZ vyrašyła nazyvać štamy karanavirusa litarami hrečaskaha ałfavita
Arhanizacyja nie choča dyskryminavać krainy, dzie štamy byli vyjaŭlenyja ŭpieršyniu.
Fota Depositphotos.com
Ciapier varyjanty karanavirusa buduć nazyvacca hrečaskimi litarami ŭ tym paradku, u jakim SAAZ abviaściła ich patencyjnaj pahrozaj. U pryvatnaści, brytanski štam atrymaŭ nazvu «Alfa», paŭdniovaafrykanski — «Beta», brazilski — «Hama», indyjski — «Delta».
Daśledčyki buduć praciahvać prysvojvać navukovyja nazvy ź litar i ličbaŭ dla kožnaha štama dla svaich met, ale ŭ nienavukovych stylach, jak spadziajucca ekśpierty, buduć užyvacca litary hrečaskaha ałfavita, piša The New York Times.
Novaja markiroŭka musić zamianić praktyku nazvy štamaŭ pa tych krainach, dzie ich upieršyniu znajšli. Ekśpierty z SAAZ ličać, što heta maje dyskryminacyjny charaktar i pahłyblaje styhmatyzacyju.
Ekśpierty pačali abmiarkoŭvać heta pytańnie niekalki miesiacaŭ tamu, z taho času, jak nazvy «brytanski» i «paŭdniovaafrykanski» dla štamaŭ karanavirusa pačali raspaŭsiudžvacca ŭ ŚMI.
Jak vyjaviłasia, hrečaskija litary vyzvalilisia ad papiaredniaj zadačy: Suśvietnaja mietearałahičnaja arhanizacyja paviedamiła, što bolš nie budzie vykarystoŭvać litary hrečaskaha ałfavita dla nazvy ŭrahanaŭ.
