Hałoŭny redaktar Tut.by Maryna Zołatava i žurnalist Alena Tałkačova abvinavačvajucca ŭ saŭdziele ŭ niavypłacie padatkaŭ
Siońnia Minski haradski sud u zakrytym režymie razhledzieŭ skarhu na źmiaščeńnie pad vartu hałoŭnaha redaktara Tut.by Maryny Zołatavaj i žurnalista partała Aleny Tałkačovaj.
Stała viadoma, što ich abvinavačvajuć u saŭdziele va ŭchileńni ad vypłaty padatkaŭ u asabliva bujnym pamiery (č. 1 art. 16 č. 2 art. 243 KK), sankcyja artykuła praduhledžvaje da 5 hadoŭ «chimii» ci ad 3 da 7 hadoŭ pazbaŭleńnia voli, paviedamlaje Tut.by u svaim telehram-kanale.
Sud pakinuŭ u sile samuju surovuju mieru strymańnia ŭ vyhladzie źmiaščeńnia pad vartu. Zychodziačy z praktyki možna dapuścić, što jana abranaja na dva miesiacy, zatrymanyja našy kalehi byli 18 maja, znachodziacca ŭ SIZA №1 na Vaładarskaha.
Usiaho pa spravie Tut.by zatrymali 15 čałaviek, u tym liku supracoŭnikaŭ redakcyi, jakija pa svajoj pracy nie źviazanyja z ekanamičnaj dziejnaściu kampanii, vypłataj padatkaŭ i jurydyčnymi aśpiektami pracy, nahadvaje vydańnie.
