Kobi i Džyjanna: amierykanskich dziaciej pačali nazyvać u honar zahinułaha baskietbalista i jaho dački
Trahičnaja śmierć ŭ studzieni minułaha hoda ikony baskietbołu Kobi Brajanta i jaho dački Džyjanny padčas padzieńnia viertalota vyklikała spačuvańnie i rezanans va ŭsim śviecie. Sport budzie jašče doŭha adčuvać upłyŭ asoby Brajanta, ale ciapier jon raspaŭsiudziŭsia i na davoli niečakanuju śfieru — dziciačyja imiony.
Fota dailynews.com.
Zhodna z novymi danymi amierykanskaj Administracyi sacyjalnaha zabieśpiačeńnia, u 2020 hodzie imia Kobi atrymała vialikuju papularnaść. U hod pierad śmierciu Brajanta jano było na 556 miescy pa raspaŭsiudžanaści siarod niemaŭlat, piša Huffpost. Ale ŭ 2020 hodzie imia Kobi zaniało ŭ śpisie ŭžo 239 miesca. U tym hodzie jaho atrymali ŭ ZŠA 1500 chłopčykaŭ i 55 dziaŭčynak. Anałahičnaje imia, Džekabi, taksama vyrasła ŭ papularnaści — jano padniałosia z 1382 da 838 miesca ŭ śpisie.
Anałahičnaja źjava adbyłasia ź imiem 13-hadovaj Džyjanny, dački Brajanta, jakaja zahinuła ŭ katastrofie razam ź im. U 2020 hodzie hetaja imia atrymali 7826 dziaŭčat i siem chłopčykaŭ, što dazvoliła jamu padniacca ŭ rejtynhu imion dla niemaŭlat z 79 na 12 miesca. Taksama vyrasła papularnaść imion inšych členaŭ siamji Brajanta, a jaho proźvišča padniałosia z 829 miesca ŭ rejtynhu imion dla chłopčykaŭ na 658 miesca.
Heta nie pieršy raz, kali maštabnyja padziei ŭpłyvajuć na trendy siarod imionaŭ niemaŭlat. Naprykład, imia Katryna straciła papularnaść paśla adnajmiennaha ŭrahanu ŭ 2005 hodzie, jaki ličycca samym razburalnym u historyi ZŠA. Toje ž samaje zdaryłasia ź imiem Donald paśla prezidenckaha terminu Donalda Trampa.
