U Rahačoŭskim rajonie most padpierli špałami. Čynoŭniki kažuć, što ŭsio pad kantrolem
Žychary Ščyrbina Rahačoŭskaha rajona pieražyvajuć, što most u ich vioscy, praź jaki idzie trasa ŭ bok Mahilova, moža abrynucca ŭ luby momant. Jak zaraz vyhladaje kanstrukcyja, jany pakazali na fota redakcyi «Rahačoŭ Anłajn». A pa hetym učastku darohi, kažuć ludzi, rehularna jeździać vialikahruzy i lesavozy.
Miascovaja rajonka «Svabodnaje słova» apublikavała kamientar hałoŭnaha inžyniera darožna-ekspłuatacyjnaha ŭpraŭleńnia № 47 Siarhieja Cimašenki. Pavodle jaho słoŭ, pahrozy abvału niama.
Infarmacyja, jakaja źjaviłasia ŭ internecie ab krytyčnym stanie mosta, «mocna pierabolšanaja».
«Ciapier ruch transpartu i piešachodaŭ źleva zusim biaśpiečny. Usio pad kantrolem!» — havorycca ŭ publikacyi.
Za apošni tydzień u Biełarusi ŭžo abrynułasia 2 masty: u vioscy Brady ŭ Pružanskim rajonie Bresckaj vobłaści i na aŭtadarozie Barysaŭ — Bierazino.