U Italii asušyli vadaschovišča — i znajšli reštki zatoplenaj vioski
Na poŭnačy Italii ŭ miežach ramontnych rabot asušyli štučnaje voziera. Ciapier tam možna pabačyć reštki vioski, jakuju zatapili niekalki dziesiacihodździaŭ tamu.
Tak vyhladała voziera da asušeńnia. Fota BBC
Štučnaje voziera Rezija viadomaje svajoj staražytnaj zvanicaj XIV stahodździa, jakaja vystupaje z-pad vady. Adnak ciapier na miescy časova asušanaha vadaschovišča možna ŭbačyć jašče i reštki vioski Kuron, dzie kaliści žyli sotni ludziej. U 1950 hodzie viosku zatapili padčas budoŭli hidraelektrastancyi.
Voziera Rezija znachodzicca ŭ rehijonie Paŭdniovy Tyrol, što na poŭnačy Italii, piša BBC.
Na fotazdymkach bačnyja prystupki, ścieny i sklapy na tym miescy, dzie było dno voziera.
Historyja vioski stała pratatypam dla sieryjała Netflix «Zatopleny horad».
