Ispanija razhladaje mahčymaść pierachodu na čatyrochdzionny pracoŭny tydzień
Ispanija moža apynucca siarod niešmatlikich krain śvietu, jakija prateścirujuć pierachod na čatyrochdzionny pracoŭny tydzień.
Fota Depositphotos.com
Pieršy krok da hetaha ŭžo zrobleny: miascovy ŭrad pahadziŭsia zapuścić nievialiki testavy prajekt takoha typu ŭ kampanijach, jakija heta cikavić. Detali prajekta pakul što nieviadomyja. Čakajecca, što jon budzie kaštavać kala 50 miljonaŭ jeŭra i budzie doŭžycca 3 hady, pieradaje Washington Post.
Ideja pasprabavać pierajści na čatyrochdzionny tydzień naležyć ispanskaj levaj partyi Mas Pais. Jaje prychilniki śćviardžajuć, što daŭžejšyja hadziny pracy nie abaviazkova pryvodziać da vyšejšaj pradukcyjnaści. Ciapier Mas Pais zajmajecca pieramovami z uradam, kab dakładna vyrašyć, jak budzie prachodzić hety prajekt.
