Finalistka «Mis Biełaruś» pajšła šukać kachańnie na realici-šou «Chałaściak»
Rasijski telekanał TNT zapuściŭ novy siezon realici-šou «Chałaściak». Na hety raz dziaŭčaty zmahajucca za serca repiera i biznesmiena Cimaci. Jość siarod udzielnic i biełaruska — Maryja Łabanava.
22-hadovaja Maryja rodam z Homiela. Skončyła fakultet sacyjakulturnych kamunikacyj BDU pa śpiecyjalnaści linhvist-pierakładčyk. U 2016-m dziaŭčyna ŭdzielničała ŭ konkursie «Mis Biełaruś». Da kastynhu nie rychtavałasia — raskazvała, što padała zajaŭku, bo paŭdzielničać prapanavaŭ jaje małady čałaviek. Ale dajšła da finału i atrymała pryz «Mis fota».
Lubić padarožničać, katacca na snoŭbordzie. Na šou zhadali, što Maryja prasiadzieła adzin dzień u mieksikanskaj turmie.
Ciapier dziaŭčyna žyvie ŭ Maskvie i pracuje madellu — u hetaj śfiery jana ź dziacinstva, mama ŭ 9 hod addała dačku ŭ podyum-škołu. Zdymajecca dla časopisaŭ i kramaŭ, maje svoj brend adzieńnia.