Mužčyna, jaki prałamiŭ u Hrodnie plaškaj hałavu 10-hadovamu chłopčyku, atrymaŭ 13 hadoŭ
Zdareńnie adbyłosia ŭ kastryčniku na placoŭcy kala internataŭ na vulicy Kamarova. Chłopčyk hulaŭ ź siabrami na placoŭcy ŭ dvary, piša Tut.by.
U 50-hadovaha mužčyny było ŭ kryvi 2,5 pramile ałkaholu. Jamu nie spadabałasia, što dzieci hulajuć pobač. Spačatku jon schapiŭ za ruku piacihadovaha i pasprabavaŭ vyvieści sa dvara.
Kali za chłopčyka zastupilisia čaćviora chłapčukoŭ va ŭzroście ad 10 da 13 hadoŭ, mužčyna staŭ ahresiŭna prystavać užo da ich. U niejki momant jon kinuŭ plašku ŭ hałavu vučnia 4-ha kłasa. U chłopčyka była surjoznaja traŭma: adkrytaja čerapna-mazhavaja ź pierałomam u rajonie patyličnaj vobłaści.
Ahresar byŭ adrazu zatrymany. Raniej jon užo byŭ nieadnarazova sudzimy.
Mužčyna pryznany vinavatym, jamu pryznačana pakarańnie 13 hadoŭ u kałonii strohaha režymu.
Na karyść 10-hadovaha paciarpiełaha ź jaho spahnanaja maralnaja škoda pamieram 25 tysiač rubloŭ.