Prezident Turkmienistana nasvaryŭsia na ministra za adsutnaść śpiektaklaŭ pra ščaście
Hurbanhuły Bierdymuchamiedaŭ publična nasvaryŭsia na ministra kultury Atahiełdzi Šamyradava za adsutnaść u krainie śpiektaklaŭ pra «narodnaje ščaście» i ahulny zaniapad teatralnaj śfiery. Ab hetym piša ŭradavaja hazieta «Niejtralny Turkmienistan»
Pavodle jaho słoŭ, pryčyna stahnacyi ŭ kulturnaj śfiery krainy — drennaja arhanizacyja pracy dziciačych škoł mastactvaŭ i mastackich ustanoŭ. Jon daručyŭ ministru pierahledzieć usie navučalnyja płany i skłaści novyja. «My adśviatkavali 25-hadovy jubilej pastajannaha niejtralitetu našaj dziaržavy, adnak nie było arhanizavana jakich-niebudź prykmietnych kulturnych mierapryjemstvaŭ», — skazaŭ Bierdymuchamiedaŭ.
Prezident padkreśliŭ, što teatry i inšyja kulturnyja ŭstanovy krainy pierastali apiavać u svaich tvorach pośpiechi dziaržavy i stavić karotkija sceničnyja pjesy. Jon dadaŭ, što z pryčyny hetaha ŭ krainie źniziŭsia ahulny ŭzrovień teatralnaj režysury i «mastackaści tvoraŭ».