Zvolnienaja hałoŭnaja redaktarka časopisa «Maładość»
Śviatłana Vocinava, hałoŭnaja redaktarka litaraturnaha časopisa «Maładość», zvolnienaja sa svajoj pasady. Pra heta jana raspaviała Tut.by.
zviazda.by
— U mianie kantrakt da 31 kastryčnika 2022 hoda. Ale takoje rašeńnie Ministerstva infarmacyi, ja sychodžu. Źbirajusia zaraz (sumna paśmichajecca).
— Vy budziecie dapracoŭvać miesiac?
— Nie, ja nie budu. Mnie skazali [pracavać] da 1 sakavika. Da mianie jakraz učora pryjšli studenty na praktyku, ja skancentravała na ich uvahu, tamu paharačyłasia — napisała zajavu, što 26 sakavika — moj apošni pracoŭny dzień. Siońnia ja pra toje paškadavała i prašu, kab mianie adrazu adpuścili. Sens jašče čatyry tydni pracavać, rabić jašče adzin numar z ulikam taho, što maja praca pryznanaja kiepskaj? Heta prosta nonsens. Ja chaču syści adrazu.
— Chto pryznaŭ vašu pracu kiepskaj? Ministerstva infarmacyi?
— Abo Sajuz piśmieńnikaŭ Biełarusi. Ad ich była skarha, što časopis «Maładość»… (paŭza). Jany ŭvieś čas skardzilisia, jak my pracujem. Hetym razam ich skarhi byli pryniatyja, razhledžanyja i zadavolenyja.
Pa słovach hałoŭnaha redaktara «Maładości», zapasnych «aeradromaŭ» ŭ jaje niama — jana znachodzicca ŭ pošukach pracy.
Śviatłana Vocinava źjaŭlałasia hałoŭnaj redaktarkaj časopisa z 2012-ha.
Jakraz u hetym hodzie vydańnie ŭvajšło ŭ skład stvoranaha Vydavieckaha doma «Źviazda» (razam z hazietami «Źviazda» i «Litaratura i mastactva», časopisami «Połymia», «Maładość»).