Alaksandr Hleb atrymaŭ učastak pad Minskam. Pobač jašče dva jaho katedžy, a taksama ziamla Domračavaj i Depardjo
Adzin z samych paśpiachovych biełaruskich futbalistaŭ zajmieŭ učastak 25 sotak dla budaŭnictva doma ŭ vioscy Łaparovičy na bierazie Minskaha mora. Hetaja ziamla znachodzicca pa susiedstvie z učastkami Žerara Depardjo i Darji Domračavaj, piša Tut.by.
Jak vynikaje z danych dziaržrehistra nieruchomaj majomaści Biełarusi, učastak byŭ pieradadzieny va ŭłasnaść Alaksandra Hleba ŭ pačatku kastryčnika 2020 hoda. Padstava — rašeńnie Papiarnianskaha sielskaha savieta. Voś prykładnyja miežy hetaj ziamli:
Admietna, što Hlebu naležać dva katedžy ŭ Łaparovičach. Adzin ź ich jon nabyŭ jašče ŭ 2014 hodzie, druhi, susiedni, hod tamu.
Učastak miažuje ź ziamloj Žerara Depardjo, jakuju jon atrymaŭ u arendu ŭ 2019 hodzie, ale pakul na joj tak ničoha i nie pabudavaŭ.
Ad ŭčastka Hleba da Minskaha mora — kala sta mietraŭ. Pobač taksama znachodziacca damy Darji Domračavaj i staršyni Biełaruskaj fiederacyi bijatłona Andryjana Cybulskaha.
Akramia taho, niedaloka ad hetaha miesca chutka pačniecca budaŭnictva šmatfunkcyjanalnaha spartyŭna-azdaraŭlenčaha kompleksu. Hetym prajektam zajmajecca kampanija «EKVICI hrup», zasnavanaja ŭ liku inšych bujnym biznesmienam Andrejem Šychlinym i, vierahodna, unukam eks-prezidenta Kyrhyzstana Kurmanbieka Bakijeva Rusłanam Piatrovym.
