SK admoviŭsia raspačynać spravu na milicyjaniera, jaki ŭ Žodzinie ŭdaryŭ žančynu ŭ tvar
22 studzienia žycharcy Žodzina Naili Husakovaj pryjšło apaviaščeńnie USK Respubliki Biełaruś pa Minskaj vobłaści ab admovie ŭ zaviadzieńni kryminalnaj spravy pa č. 3 art. 426 Kryminalnaha kodeksa Biełarusi. U SK jana źviarnułasia paśla taho, jak na vačach u ludziej jaje ŭdaryŭ u tvar milicyjanier Žodzinskaha HAUS, paviedamlaje ex-press.by.
Pavodle vysnovaŭ SK Minskaj vobłaści, milicyjanieram Žodzinskaha HAUS Baranoŭskim N.P. «vykananyja ŭmovy i nie pieravyšanyja miežy prymianieńnia fizičnaj siły».
Baranoŭski «dziejničaŭ va ŭmovach abhruntavanaj prafiesijnaj ryzyki abo krajniaj nieabchodnaści». Pry hetym «nichto z apytanych supracoŭnikaŭ HAUS nie bačyŭ niepasredna momant prymianieńnia Baranoŭskim fizičnaj siły da Husakovaj».
Nahadajem, 13 vieraśnia kala žodzinskaha handlovaha centra «Elehant» adbyŭsia incydent, padčas jakoha milicyjanier udaryŭ u tvar žycharku Žodzina Nailu Husakovu. Udar byŭ takoj siły, što žančyna apynułasia na ziamli.
