U Litvie da lipienia ad karanavirusa mohuć pryščapić 70% nasielnictva
Prezident Hitanas Naŭsieda padčas dystancyjnaj pres-kanfierencyi zajaviŭ, što Litva moža spadziavacca na vakcynacyju 70% darosłaha nasielnictva krainy da pačatku lipienia hetaha hoda, piša Delfi.lt.
Delfi.lt
«Ja b chacieŭ padzialicca peŭnaj infarmacyjaj, atrymanaj na ŭčorašnim pasiadžeńni Rady Jeŭropy, padčas jakoha razmaŭlali ab pastaŭkach vakcyny, jaje raźmierkavańni i paskareńni. Staršynia Jeŭrakamisii Ursuła fon der Lajen zapeŭniła nas, što Litva ŭ I i ŭ II kvartałach, praktyčna da pačatku leta, zmoža vakcynavać 70% darosłaha nasielnictva krainy. Heta našmat bolš, čym my płanavali i spadziavalisia da niadaŭniaha času», — skazaŭ Naŭsieda.
Prezident skazaŭ, što Litva atrymaje kala 4 młn. doz. Pavodle jaho słoŭ, vakcynacyja 70% žycharoŭ moža być dasiahnuta da «dnia karanacyi Mindoŭha» [6 lipienia].
Jon skazaŭ, što pieramieny buduć mahčymyja, kali ŭ najbližejšy čas zaćvierdziać vakcynu kampanii Aztrazeneca.
«Hetaje pytańnie buduć abmiarkoŭvać u nastupnuju piatnicu, kali rašeńnie budzie stanoŭčym, vakcyna pastupić u Litvu ŭ siaredzinie lutaha. Na čarzie inšaja bujnaja kampanija-Johnson and Johnson», — skazaŭ Naŭsieda. Hetuju vakcynu abmiarkujuć u sakaviku, kali rašeńnie budzie stanoŭčym, to vakcyna źjavicca ŭ Litvie ŭ krasaviku. Hetaja vakcyna adroźnivajecca tym, što, mahčyma, dastatkova budzie adnoj dozy.
«Mahčyma, chopić i adnoj dozy vakcyny Johnson and Johnson, zaraz pravodziać daśledavańni», — skazaŭ prezident Litvy.
