Rachunki dvuch biełaruskich vydaviectvaŭ zabłakavanyja. Jak im možna dapamahčy
15 studzienia ŭ vydaviectva «Januškievič» pryjšli z ahladam supracoŭniki DFR. Dyrektara Andreja Januškieviča vyklikali na dopyt. Uviečary jaho adpuścili, ale ciapier rachunki vydaviectva zabłakavanyja. Zabłakavanyja rachunki i vydaviectva «Knihazbor», Hienadzia Viniarskaha taksama advozili ŭ DFR.
Pieršaj knihaj vydaviectva «Januškievič», vydadzienaj u 2021 hodzie, pavinna była stać apovieść niamieckaha piśmieńnika Adfryda Projślera «Krabat», jakuju pierakłaŭ na biełaruskuju movu Siarhiej Matyrko. Jana aryjentavana na padletkaŭ, ale moža być cikavaja i darosłym, piša Tut.by.
Adna z knih vydadzienych «Januškievičam» pierakład polskaha biestsielera «Akularnik» Katažyny Bondy. Fota Hanny Kiślicynaj
Ale vychad hetaha vydańnia adkładajecca. Z-za błakavańnia rachunkaŭ «my nie možam płacić drukarniam. Praz heta vychad novych knih pakul spyniajecca» — napisaŭ supracoŭniki vydaviectva na svajoj staroncy ŭ Fejsbuku. Taja ž situacyja — i ŭ vydaviectvie «Knihazbor».
— U nas taksama aryštavanyja rachunki. Na prybytak adčynienyja — na raschod zabłakavanyja, - paviedamiŭ dyrektar vydaviectva Hienadź Viniarski.
Pry hetym sajt januskevic.by pa-raniejšamu pracuje. A značyć, z dapamohaj jaho možna kuplać knihi.
Vydańni «Knihazboru» pradajucca praz kniharni i pryvatnych raspaŭsiudnikaŭ.
