Kiraŭnik Akademii navuk: Biełaruś hatovaja vypuskać całkam svoj elektramabil
Pra heta paviedamiŭ staršynia Prezidyuma NAN Uładzimir Husakoŭ, kamientujučy prajekt prahramy raźvićcia elektratranspartu na 2021-2025 hh.
BiełTA
«My hatovyja ciapier pry inviestycyjach stvaryć na bazie svaich raspracovak całkam svoj elektramabil», — cytuje słovy Husakova BiełTA.
Pavodle jaho słoŭ, dla biełaruskaha elektramabila adpracoŭvajecca niekalki madelaŭ batarej — lityijnych, hrafiena-śvincovych i hrafienavych. «Lityj-ijonnyja vielmi darahija, u lehkavych aŭto batareja — heta pałova cany mašyny i navat bolš. Akramia taho, lityj budzie daražeć praz toje, što zapasy abmiežavanyja i ŭ asnoŭnym skancentravanyja ŭ Kitai i niekatorych inšych krainach», — adznačyŭ Uładzimir Husakoŭ.
Tamu mnohija krainy šukajuć novyja rašeńni dla elektramabilaŭ, i biełaruskija navukoŭcy taksama, u studzieni jany praviaduć vyprabavańni svaich batarej.