Kačanava ŭčora inśpiektavała vytvorčyja placoŭki «Haryzonta»
Staršynia Savieta Respubliki Natalla Kačanava naviedała siońnia AAT «Kirujučaja kampanija chołdynha «Haryzont», piša BiełTA.
Hałoŭnaja meta pajezdki — vyvučeńnie pierśpiektyŭ raźvićcia chołdynham «Haryzont» terytoryi ŭ miežach vuł.Kujbyšava — pr.Mašerava — vuł.Čyrvonaja — vuł.Kisialova, u tym liku pytańniaŭ mahčymaha funkcyjanalnaha napaŭnieńnia niezadziejničanych budynkaŭ i zbudavańniaŭ, a taksama ich rekanstrukcyi. Takoje daručeńnie było dadziena 5 studzienia Łukašenkam pry naviedvańni chołdynha.
BiełTA
«Staić zadača efiektyŭnaha vykarystańnia kožnaha mietra terytoryi chołdynha pad raźmiaščeńnie novych vytvorčaściej, kab ludzi byli zabiaśpiečany rabotaj i hetyja vytvorčaści prynosili karyść dziaržavie.
Vyvučajecca mahčymaść raźmiaščeńnia tut navukova-daśledčych abjektaŭ, adukacyjnaha centra, raźvićcia vytvorčaściej, zasnavanych na novych i vysokich technałohijach, pašyreńnia miedycynskaha absłuhoŭvańnia nasielnictva. Heta terytoryja pavinna vykarystoŭvacca z karyściu dla dziaržavy i žycharoŭ krainy», — adznačyła Natalla Kačanava. Da hetaj raboty buduć aktyŭna pryciahnuty Ministerstva pramysłovaści, haradskija ŭłady, a taksama patencyjał navukovaj supolnaści — DKNT i Nacyjanalnaja akademija navuk.
«Pradukcyja, jakuju siońnia vyrablaje chołdynh «Haryzont», pavinna być uviazana ŭ ekanomiku i aktyŭna vykarystoŭvacca ŭ adukacyjnaj śfiery, miedycynskaj halinie krainy. Času ŭ nas niašmat, tamu rašeńnie pa hetym pytańni pavinna być pryniata ŭ bližejšy čas», — padkreśliła ŭpaŭnavažanaja pa horadzie Minsku.
Dyrektar kampanii ZAT «Haryzont-Bielinviest-Deviełapier» Ina Kavalova dadała, što na hety momant raspracavana kancepcyja rekanstrukcyi vytvorčaha kvartała «Haryzont». «Ciapier jana vyniesiena na abmierkavańnie, kab niedzie adkarekciravać i pačać užo niepasrednuju realizacyju prajekta, — raskazała jana. — Pieršapačatkova tut była televizijnaja vytvorčaść zavoda «Haryzont». U dalejšym zavod pieranieśli na vulicu Sofji Kavaleŭskaj i stali rychtavać placoŭku dla realizacyi prajekta. Heta centr horada, i nieabchodna zrabić najbolš efiektyŭnyja ŭkładańni ŭ heta miesca». Ina Kavalova padkreśliła, što ŭpor budzie zrobleny na vytvorčaść, raźličanuju na intelektualnuju pracu.
