Dziaŭčynu asudzili na 25 sutak: na sudzie jana raspaviała, što ciažarnaja
16 listapada sudździa Frunzienskaha suda Andrej Mlečka asudziŭ na 25 sutak administracyjnaha aryštu minčanku Viktoryju, zatrymanuju napiaredadni na płoščy Pieramienaŭ: na sudzie jana raspaviała, što ciažarnaja, paviedamlajuć pravaabaroncy.
Sud prachodziŭ praz skajp. Zatrymanaja raspaviała, što jana nie ŭdzielničała ŭ mierapryjemstvie i nie supraciŭlałasia pry zatrymańni, jak heta pakazana ŭ pratakole. A jašče — što jana ciažarnaja. Ale pakolki atrymała stanoŭčy test tolki napiaredadni, stać na žanočuju kansultacyju prosta nie paśpieła.
Dziaŭčynu asudzili pavodle dvuch artykułaŭ PIKaAP: č. 3 art. 23.34 i art. 23.4, i šlacham častkovaha składańnia pryznačanych pakarańniaŭ (15+15 sutak) prysudzili da 25 sutak administracyjnaha aryštu. Sud taksama adchiliŭ chadajnictva ab vykliku maci dziaŭčyny ŭ jakaści śviedki.
