Siońnia 100-y dzień pratestaŭ — jakich nichto nie čakaŭ i jakija źmianili naša ŭjaŭleńnie pra biełaruski narod
Daśledavańnie vyjaviła, što tolki ŭ publičnych pratestach za hety čas brali ŭdzieł bolš za miljon čałaviek, kožny piaty žychar haradoŭ.
Biełarusy vymahali adnaŭleńnia zakonnaści i sumlennych vybaraŭ. Paśla dadałosia patrabavańnie spynić nasille siłavikoŭ i vyzvalić palitviaźniaŭ.
Śviatłana Cichanoŭskaja, žonka palitviaźnia, jakaja da aryštu muža była chatniaj haspadyniaj i siadzieła doma z małymi, volaju losu stała simvałam biełaruskaha pratestu, kali navažyłasia pajści na vybary zamiest svajho muža. Ciapier jana naminavanaja na Nobieleŭskuju premiju miru.
Hetaja naminacyja adbyłasia tamu, što śviet zachaplajecca mirnym charaktaram pratestaŭ — mirnym, niahledziačy na kryvavaje padaŭleńnie demanstracyj i masavyja represii, jakija začapili ŭžo 30 tysiač čałaviek. I tamu što biełaruski pratest daŭ nadzieju inšym narodam byłoha SSSR.
