Žychara Hrodna asudzili za abrazu Karajeva ŭ telehram-čacie
Fota Nadziei Bužan
Sud prajšoŭ jašče 23 kastryčnika. Juryja S. asudzili za abrazu hienierał-majora milicyi Juryja Karajeva, na toj momant — ministra ŭnutranych spraŭ. Haradzienca pryznali vinavatym i asudzili na dva hady abmiežavańnia voli biez nakiravańnia ŭ vypraŭlenčuju ŭstanovu, paviedamlaje Hrodna.life.
4 žniŭnia ŭ telehram-kanale «Hrodna dla žyćcia čat» Juryj S. sa svajho telefona apublikavaŭ paviedamleńnie ź niehatyŭnaj acenkaj i nienarmatyŭnaj leksikaj u dačynieńni da Juryja Karajeva, paviedamili ŭ prakuratury.
Heta rascanili jak publičnuju abrazu pradstaŭnika ŭłady i zaviali kryminalnuju spravu pa art. 369 KK (Abraza pradstaŭnika ŭłady). Prakuratura 29 vieraśnia nakiravała kryminalnuju spravu pa abvinavačvańni Juryja S. u sud. Juryju pahražała da troch hadoŭ abmiežavańnia voli.
