U Biełarusi prypynienaja praca 12 kram OZ. Ź ich 8 u Minsku
U Biełarusi prypynienaja praca 12 kram OZ. Padstava — zahad «Ab prypynieńni pracy handlovaha abjekta». Ab pryčynach i terminach adnaŭleńnia pracy kampanija ŭ sacsietkach nie kaža, ale zaznačaje, što «prymaje ŭsie mahčymyja miery, kab u maksimalna karotkija terminy adnavić pracu».
U Minsku nie pracuje 8 kramaŭ (usiaho ich u horadzie 17):
Na praśpiekcie Niezaležnaści, 13, pr-cie Dziaržynskaha, 19, pr-cie Dziaržynskaha, 122, Mahiloŭskaj, 5b, Prytyckaha, 97, Łahojskim trakcie, 37, Rusijanava, 4, pr-cie Pieramožcaŭ, 3.
Nie pracujuć taksama kramy ŭ Hrodnie na Savieckaj, 18, Mahilovie, na Leninskaj, 85, u Babrujsku na Kastryčnickaja, 151b, u Pinsku, na Lenina, 28.
U kampanii kažuć, što pytańni z samavyvazam ź pieraličanych kram vyrašajucca z klijentami ŭ indyvidualnym paradku, aformić dastaŭku ciapier možna albo ŭ inšyja punkty samavyvazam, albo kurjeram.
Z čym kankretna źviazana rašeńnie dziaržorhanaŭ ab časovym prypynieńni pracy hetych kram, u OZ nie tłumačać. Raniej ŚMI paviedamlali, što niekatoryja z kramaŭ sietki nie pracavali 26 kastryčnika. Da mnohich z tych, chto nie pracavaŭ u hety dzień, ciapier prychodziać pravierki. Praca niekatorych ustanoŭ hramadskaha charčavańnia była prypynienaja na 3 miesiacy.