Mahiloŭski abłasny dramatyčny teatr padtrymaŭ kupałaŭcaŭ i patrabuje novych vybaraŭ
Mahiloŭski abłasny dramatyčny teatr vystupiŭ z adkrytym zvarotam, u jakim asudžaje biesprecedentny cisk na hramadzianskuju supolnaść dziaržaŭnych orhanaŭ.
«Ułady abaviazany prysłuchoŭvacca da mierkavańnia biełaruskaha hramadstva, značnaja častka jakoha patrabuje adstaŭki kankretnych pradstaŭnikoŭ ułady, dziejsnych reform, nieadkładnaha vyzvaleńnia ŭsich palitviaźniaŭ i rasśledavańnia ŭsich vypadkaŭ złačynstvaŭ suprać mirnych hramadzian, u tym liku źbićcio, prynižeńni, pahrozy i zabojstvy», — zaklikajuć rabotniki teatra.
Padpisanty zvarotu patrabujuć nie dapuskać zakryćcia teatraŭ praz palityčnyja pohlady ich rabotnikaŭ (jak zdaryłasia z Kupałaŭskim teatram), spynić hvałt z boku siłavych orhanaŭ, a taksama šantaž rabotnikaŭ z boku kiraŭnikoŭ pradpryjemstvaŭ (tut zhadvajecca, naprykład, pra cisk na rabotnikaŭ Mahiloŭskaha mastackaha muzieja).
U adkrytym liście teatralnyja rabotniki taksama zaklikajuć dziaržaŭnyja ŚMI spynić skažeńnie infarmacyi pra padziei, jakija adbyvajucca ŭ hramadstvie, a va ŭładaŭ patrabujuć praviadzieńnia novych demakratyčnych i prazrystych vybaraŭ.
Ahułam pad zvarotam padpisalisia 26 supracoŭnikaŭ teatra.
