Naryškin: U Jeŭropie zatrymańnie rasijan pad Minskam ličać zrežysavanaj akcyjaj
Uradavyja koły ŭ Jeŭropie kvalifikujuć zatrymańnie rasijan u Biełarusi jak zrežysavanuju akcyju. Pra heta zajaviŭ u subotu žurnalistam kiraŭnik Słužby źniešniaj vyviedki (SZV) Rasii Siarhiej Naryškin, piša tass.ru.
«Pavinien skazać, što ŭ jeŭrapiejskich krainach palityčnyja elity, uradavyja koły, kvalifikujuć heta jak zrežysavanuju akcyju, i heta vyklikaje škadavańnie», — skazaŭ jon, adznačyŭšy, što jaho słužba pa rodzie svaich zadač zajmajecca adsočvańniem zamiežnaj reakcyi na padobnyja padziei.
Pavodle jaho słoŭ, SZV sočyć za padziejami, jakija raźvivajucca vakoł zatrymańnia rasijan u Biełarusi, i za tym, jakija acenki dajuć palityčnyja elity inšych krain. «Vielmi raźličvaju, što incydent praź niejki čas budzie ŭsio ž taki vyčarpany i pieraadoleny, — skazaŭ Naryškin žurnalistam. — Heta ŭ intaresach raźvićcia siabroŭskich, brackich adnosin pamiž dźviuma našymi krainami i dvuma narodami». Kiraŭnik SZV taksama nazvaŭ vielmi niełahičnymi kamientary biełaruskich ŚMI adnosna hetaha incydentu.
Ułady Biełarusi zajavili pra zatrymańnie 33 rasijskich bajevikoŭ-vahnieraŭcaŭ
Chto jany — 33 zatrymanyja bajeviki? Snajpiery, raźviedčyki, bierkutaŭcy z «DNR» FOTY
Rasijskija krynicy: Praź Minsk pierakidvali hrupy vahnieraŭcaŭ u Afryku, i ŭłady Biełarusi pra toje cudoŭna viedali
Apytanka
