CVK vyznačyŭ, jak buduć hałasavać chvoryja z karanavirusam
Centrvybarkam vyznačyŭ paradak hałasavańnia hramadzian z COVID-19 na prezidenckich vybarach. Adpaviednuju pastanovu ŭ CVK pryniali 31 lipienia, paviedamlaje BiełTA.
U adpaviednaści z dakumientam, pry ambułatornym lačeńni vybarščyki nie buduć hałasavać na ŭčastkach pa miescy znachodžańnia abo rehistracyi. «Terytaryjalnyja ambułatorna-palikliničnyja arhanizacyi achovy zdaroŭja pa miescy žycharstva abo miescy znachodžańnia vybarščykaŭ z COVID-19 pavinny prainfarmavać ich ab mahčymaści prahałasavać na ŭčastkach dla hałasavańnia, utvoranych u balničnych arhanizacyjach achovy zdaroŭja, i sposabie arhanizacyi hałasavańnia na kankretnym učastku: šlacham dastaŭki vybarščyka z COVID-19 na adpaviedny ŭčastak albo vyjezdu členaŭ učastkovaj kamisii da miesca pražyvańnia vybarščyka», — havorycca ŭ pastanovie.
Akramia taho, nazvanyja arhanizacyi achovy zdaroŭja pavinny buduć pieradać źviestki ab vybarščykach z COVID-19, jakija vykazali žadańnie prahałasavać na ŭčastkach dla hałasavańnia, utvoranych u balnicach, va ŭčastkovyja kamisii.
Dastaŭlać vybarščykaŭ z karanavirusam na ŭčastki ŭ špitalach albo arhanizoŭvać vyjezd členaŭ kamisij dla hałasavańnia na dom pavinny buduć arhanizacyi achovy zdaroŭja.
