Łukašenka: Zabylisia, jak Karymaŭ u Andyžanie zadušyŭ putč, rasstralaŭšy tysiačy čałaviek. Nu dyk my nahadajem!
president.gov.by
Pra heta kiraŭnik krainy raspavioŭ siońnia paśla pryznačeńnia novych ministraŭ i premjera, piša SB:
«My stvaryli svaju krainu, u jakoj mohuć žyć našy dzieci. Siońnia toj momant, kali adstajać jaje treba. Treba abaranić, — skazaŭ jon. — Vy bačycie, što nas na častki razryvajuć. Adzinaja postsavieckaja kraina, jakaja nie bačyła hora.
I niekatorym biełarusam zdajecca, što heta daloka Ukrainu razburyli. Idzie vajna. Dzieści daloka Małdova, jakuju padzialili napałam. Zabylisia jak u Litvie vajavali, z bojem adstojvali niezaležnaść, suvierenitet u svoj čas. Zabylisia, što siońnia šuhaje jašče Kaŭkaz: armianie z azierbajdžancami nie mohuć damovicca.
Zabylisia, što Hruzija straciła amal tracinu svajoj terytoryi. Narešcie, nichto nie viedaje, jak moj siabar Rachmon z kulamiotam napieravies uvachodziŭ u stalicu Tadžykistana dla taho, kab navieści paradak. Kolki tam zahinuła ludziej. Jak z baradačami zmahalisia.
Zabylisia, jak były prezident Karymaŭ u Andyžanie zadušyŭ putč, rasstralaŭšy tysiačy čałaviek. Usie asudžali jaho, a kali pamior — na kaleniach stajali, hałasili, płakali. My hetaha nie pieražyli, tamu my hetaha razumieć nie chočam. Niekatoryja. Nu dyk my nahadajem!
