Julija Cimašenka atrymała $5,6 miljona jak achviara palityčnych represij
Fota ź Vikipiedyi
Lidarka ŭkrainskaj partyi «Baćkaŭščyna» i byłaja premjer-ministarka Ukrainy Julija Cimašenka atrymała amal 150 000 000 hryŭniaŭ (pryblizna $5,6 młn) kampensacyi za «škodu, pryčynienuju palityčnymi represijami 2011-2014 hadoŭ, atrymanuju ŭ ZŠA na stadyi dasudovaha ŭrehulavańnia», piša «Radyjo Svaboda».
Adpaviednaje paviedamleńnie pra istotnyja źmieny ŭ majomasnaj situacyi apublikavana ŭ Adzinym dziaržaŭnym rejestry dekłaracyj.
Zhodna z dakumentam, 24 krasavika narodnaja deputatka atrymała 148 345 441 hryŭniu ad kampanii Reid, Collins, Tsai LLP, zarehistravanaj u štacie Techas u ZŠA.
U 2011-2014 hadach, u časy prezidenctva Viktara Janukoviča, Cimašenku asudzili pa spravie ab pieravyšeńni ŭłady pry zaklučeńni hazavych kantraktaŭ z Rasijaj u 2009 hodzie. Krainy Zachadu i mižnarodnyja instytuty krytykavali sudovy pieraśled Julii Cimašenki.
