Dla dyviersifikacyi pastavak nafty pabudujuć naftapravod Homiel — Horki
U metach dyviersifikacyi pastavak nafty ŭ Biełaruś u 2020-2023 hadach budzie realizavany inviestycyjny prajekt pa budaŭnictvie mahistralnaha naftapravoda Homiel — Horki. Adpaviednaje rasparadžeńnie Łukašenka padpisaŭ 29 krasavika, paviedamlaje BiełTA.
Fota Nadziei Bužan
Naftapravod Homiel — Horki budzie złučać dva naftapierapracoŭčyja zavody — Mazyrski NPZ i «Naftan». Naftapravod budujecca ź pierśpiektyvaj vykarystańnia pastavak syraviny pa paŭdniovym napramku z Adesy albo pa reviersie z Polščy.
Mahistralny naftapravod «Družba» pierad miažoj Biełarusi razhalinoŭvajecca na paŭnočnuju i paŭdniovuju častki. Pabudavanaja pieramyčka budzie złučać hetyja dźvie haliny pa terytoryi Biełarusi.
Kali paŭdniovaja častka ŭvieś čas tyčyłasia tolki Mazyrskaha NPZ, «Naftan» moh atrymlivać alternatyŭnuju naftu tolki čyhunkaj, to možna budzie vykarystoŭvać paŭdniovuju halinu dla alternatyŭnych pastavak na «Naftan».
