Apłacić prajezd u minskim mietro možna budzie pry dapamozie sistemy raspaznavańnia tvaraŭ
Apłatu prajezdu pry dapamozie sistemy raspaznavańnia tvaraŭ nieabchodna ŭvieści ŭ mietro Minska ŭ testavym režymie ŭ najbližejšyja miesiacy. Pra heta raspavioŭ vice-mer stalicy Alaksandr Darachovič, pieradaje karespandent ahienctva «Minsk-naviny».
Fota Nadziei Bužan
— Z bankam, jaki realizuje prajekt, užo praviedziena papiaredniaja praca, prajšli pieramovy, dasiahnuta parazumieńnie pa hetym pytańni. Spačatku sistema zapracuje na adnym z turnikietaŭ, testavać jaje buduć sami rabotniki banka. Tolki paśla taho jak jana stanie pracavać biezdakorna, prapanujem skarystacca novaj funkcyjaj pasažyram, — udakładniŭ Darachovič.
Sutnaść technałohii takaja: partret pasažyra pryviazvajecca da jaho bankaŭskaj kartki. Kali čałaviek prachodzić praz turnikiet, jaho tvar aŭtamatyčna fiksujecca kamieraj, raspaznajecca z dapamohaj admysłovaj sistemy pa 120 kropkach. U vyniku z bankaŭskaj karty śpisvajecca košt pajezdki i turnikiet adčyniajecca.
