Narviehija i Vienhryja zabaranili miedykam vyjezd za miažu
U suviazi z pandemijaj karanavirusa Narviehija zabaraniła vyjezd miedyčnaha piersanału za miažu, paviedamlaje vg.no.
Hetaje rašeńnie było pryniataje z pryčyny pandemii karanavirusa.
Na siońnia kolkaść vyjaŭlenych u hetaj skandynaŭskaj krainie nośbitaŭ virusa pieravysiła 700.
Anałahičnaje rašeńnie pryniała Vienhryja, jakaja ŭviała režym nadzvyčajnaj situacyi. Budapiešt zakryŭ miežy krainy z Aŭstryjaj i Słavienijaj, a taksama zabaraniŭ na čas epidemii vyjezd z krainy miedykaŭ, supracoŭnikaŭ siłavych struktur, ustanoŭ hihijeny, mytnikaŭ i padatkovikaŭ.
U Vienhryi pakul zarehistravana tolki 16 vypadkaŭ zarazy, urad krainy imkniecca zaścierahčysia ad pašyreńnia.
Miery nadzvyčajnaha charaktaru pryniała taksama Słavaččyna: jana zakryła aeraporty krainy.
Słavienija zakryła miažu ź Italijaj.
ZŠA zakryli miežy dla ŭjezdu z krain Jeŭrapiejskaha sajuza.
Litva, Ukraina, Danija i Narviehija adpravili na karancin usie škoły i ŭniviersitety.
Najhoršaja epidemijałahičnaja situacyja ŭ Jeŭropie na siońnia adznačajecca ŭ Isłandyi, Italii, Narviehii, Danii, Šviejcaryi.
U Biełarusi kolkaść vyjaŭlenych zaražeńniaŭ na dušu nasielnictva pakul nievysokaja.