Maładziona, jaki lacieŭ pa MKAD na chutkaści 229 km/h, aštrafavali na 945 rubloŭ i pazbavili pravoŭ na dva hady
16 studzienia na MKAD kamiera zafiksavała pieravyšeńnie chutkaści BMV: zamiest naležnych 90 km/h mašyna niesłasia 229 km/h, paviedamlaje DAI ŭ svaim telehram-kanale.
Parušalnika znajšli na nastupny dzień. Pryčym mužčyna sprabavaŭ syści ad pahoni.
U dačynieńni da jaho skłali šeść administracyjnych pratakołaŭ. U vyniku mužčynu pazbavili pravoŭ na 2 hady i aštrafavali na 35 bazavych vieličyniaŭ (945 rubloŭ).
Raniej 31-hadovy mužčyna ŭžo traplaŭ u pole zroku milicyjantaŭ. Na Dodge Stealth jon taksama sprabavaŭ syści ad pieraśledu. Adnak zrabić heta jamu nie ŭdałosia — parušalnika zatrymali. Miedycynski ahlad pakazaŭ, što jon znachodziŭsia ŭ stanie narkatyčnaha apjanieńnia. Tady parušalnika pazbavili pravoŭ na 5 hadoŭ i aštrafavali na 100 bazavych vieličyń.
