«Biŭ rukami i nahami pa hałavie i ciele»: 21-hadovy chłopiec da śmierci źbiŭ adnahadovaha syna sužycielki, bo toj płakaŭ
Cieła chłopčyka znajšli ŭ vieraśni ŭ adnoj ź viosak Miadzielskaha rajona. Śledča-apieratyŭnaja hrupa, što prybyła na miesca zdareńnia, kanstatavała kryminalny charaktar iaho śmierci, paviedamlaje SK.
U dzień zdareńnia, pakul maci była ŭ balnicy, chłopčyk znachodziŭsia ź jaje sužycielem. Toj u stanie ałkaholnaha apjanieńnia źbiŭ chłopčyka, bo jon płakaŭ. Biŭ rukami i nahami ŭ hałavu i pa roznych častkach cieła. Kali ŭbačyŭ dzicia biez prykmiet žyćcia, vyrašyŭ schavać złačynstva i cielca ŭ torbie pieravioz u pustuju chatu.
Praź niekalki dzion maci chłopčyka viarnułasia z balnicy i spytała, dzie znachodzicca dzicia. Pieršapačatkova mužčyna rastłumačyŭ, što chłopčyk znachodzicca ŭ znajomych, ale potym va ŭsim pryznaŭsia.
Mužčynu pradjaŭlena abvinavačańnie pa č. 2 art. 139 Kryminalnaha kodeksa (zabojstva zaviedama małaletniaha, jaki znachodzicca ŭ biezdapamožnym stanie, ździejśnienaje z asablivaj žorstkaściu). Jon pad vartaj.
