U Minsku zatrymali rasijan ź vialikaj partyjaj psichatropaŭ
Staličnyja apieratyŭniki zatrymali dvuch hramadzian Rasii, jakija prybyli ŭ Minsk dla prodažu narkotykaŭ, piša sb.by.
Zatrymanyja prybyli ŭ Biełaruś u kancy minułaha tydnia i źniali ŭ Minsku kvateru. U joj ža supracoŭniki milicyi pry padtrymcy bajcoŭ śpiecyjalnaha padraździaleńnia pa baraćbie z teraryzmam «Ałmaz» i zatrymali rasijan 30 i 22 hadoŭ.
«U asabistych rečach mužčyn byli znojdzieny i kanfiskavany pakiet z rečyvam biełaha koleru 196 hramaŭ, a taksama pradmiety, jakija pryznačalisia dla fasoŭki narkotyku. Zhodna z zaklučeńniem ekśpiertaŭ Dziaržkamiteta sudovych ekśpiertyz, vyklučanym rečyvam akazaŭsia niebiaśpiečny psichatrop — miefiedon. Supraćpraŭnaj dziejnaściu pa zbycie narkotykaŭ rasijanie zajmalisia na praciahu paŭhoda. Taksama ŭstanoŭlena, što jany ŭžo dvojčy pryciahvalisia da kryminalnaj adkaznaści na terytoryi RF», — raspaviała padrabiaznaści spravy aficyjny pradstaŭnik HUUS Minharvykankama Natalla Hanusievič.
