U Pinsku vyjaŭleny novy vypadak šalenstva. U horadzie abviaščajuć karancin

4 studzienia ŭ vieterynarnuju słužbu horada źviarnułasia žycharka vulicy Vałavoj, jakuju ŭkusiła svojskaja žyvioła. Analiz pakazaŭ, što ŭ sabaki šalenstva, paviedamlaje Miedyja-Paleśsie.

U aŭtorak, 14 studzienia, na pasiadžeńni Pinskaha harvykankama razhledziać uviadzieńnie karancinu na ŭvieś horad, i prymuć płan pa praduchileńni raspaŭsiudžvańnia śmiarotnaha virusa. Buduć uviedzieny abmiežavańni: zabaronieny vystavy i prodaž žyvioł na terytoryi horada.

U 2019 hoda ŭ Pinsku było vyjaŭlena dva ačahi šalenstva. Łakalnyja karanciny dziejničajuć u horadzie ź vieraśnia minułaha hoda. U ramkach prafiłaktyčnych mierapryjemstvaŭ pravodzicca adłoŭ badziažnych žyvioł.

0

0

0

0

0

0