Japonski miljarder šukaje spadarožnicu dla palotu na Miesiac: u jaho jość šerah patrabavańniaŭ

Japonski miljarder Jusaku Maedzava, pieršy kaśmičny turyst, jaki pavinien adpravicca na karabli SpaceX na Miesiac, abviaściŭ pra pošuk spadarožnicy dla sumiesnaha palotu, piša RBK.

U svaim tvitary mužčyna raźmiaściŭ spasyłku na japonski stryminhavy servis Abema TV, jaki budzie tranślavać dakumientalnaje šou, pryśviečanaje pracesu pošuku. Tam ža možna padać zajaŭku na ŭdzieł. Adznačajecca, što pretendentki — adzinokija žančyny va ŭzroście ad 20 hadoŭ, pavinny cikavicca palotami ŭ kosmas i mieć mahčymaść udzielničać u padrychtoŭcy da ich. Taksama ŭ patrabavańni pakazana, što kandydatki pavinny być «zaŭsiody pazityŭnyja» i žadać miru va ŭsim śviecie.

Zajaŭki na ŭdzieł prymajucca da 17 studzienia, praz paŭtary tydnia paśla hetaha Maedzava pačnie razhladać kandydatury. U lutym i sakaviku miljarder praviadzie sustrečy z patencyjalnymi spadarožnicami, a z kančatkovym vybaram jon vyznačycca da kanca sakavika.

Maedzavie 44 hady. Pa słovach biznesmiena, «samota i pusteča pastupova pieramahajuć» jaho, i jon pastaviŭ pierad saboj metu — «uvieś čas kachać tolki adnu žančynu». Jon adznačyŭ, što choča razam z budučaj partniorkaj «prakryčać pra kachańnie i mir va ŭsim śviecie z kosmasu».

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0