Chadžymba kančatkova admoviŭsia ŭdzielničać u vybarach
Raul Chadžymba, jaki pajšoŭ u adstaŭku z pasady «prezidenta» Abchazii, nie maje namieru vystaŭlać svaju kandydaturu dla ŭdziełu ŭ paŭtornych vybarach kiraŭnika «respubliki». Pra heta paviedamlaje TASS sa spasyłkaj na vice-prezidenta Asłana Barcica.
«Raul [Chadžymba] nie źbirajecca bałatavacca na vybarach. Raul Džumkavič hramadzianin svajoj krainy, jon zastajecca ŭ svajoj krainie. Heta nie značyć, što jon budzie siadzieć skłaŭšy ruki, jon budzie ŭdzielničać u palityčnym pracesie, kab u krainie byŭ paradak i zakonnaść, była pierajemnaść», - rastłumačyŭ Barcic.
12 studzienia stała viadoma, što Chadžymba pakinuŭ svaju pasadu paśla niekalkich dzion pratestaŭ. Ludzi patrabavali admianić vyniki druhoha turu vybaraŭ, što prajšli jašče ŭ vieraśni minułaha hoda.
