Kanfiskavana samaja bujnaja partyja hierainu za ŭsiu historyju Biełarusi — 550 kiłahramaŭ
Supracoŭnikami hałoŭnaha ŭpraŭleńnia pa narkakantroli i supraćdziejańni handlu ludźmi MUS spyniena dziejnaść arhanizavanaj hrupy, jakaja zajmałasia pastaŭkami hierainu z Afhanistana ŭ krainy Jeŭrasajuza praź Biełaruś. Dla kantrabandy złamyśniki vykarystali tak zvany «paŭnočny maršrut», jaki prachodzić praz šerah krain SND. Terytoryja Biełarusi vykarystoŭvałasia jak pieravałačny punkt, paviedamlaje pres-słužba MUS.
U kancy listapada ŭ chodzie apieratyŭna-vyšukovych mierapryjemstvaŭ u Minsku byli zatrymanyja troje mužčyn i adna žančyna — hramadzianie adnoj ź Mižziemnamorskich krain. U ścianie arandavanaha zamiežnikami składskoha pamiaškańnia ŭ Zavodskim rajonie stalicy byŭ abstalavany tajnik. U im apieratyŭniki vyjavili i kanfiskavali narkatyčny srodak hierain vahoj amal 550 kh - heta samaja bujnaja partyja mocnadziejnaha narkotyku, kanfiskavanaja za ŭsiu historyju našaj krainy.
