U centry Minska adbylisia masavyja akcyi pratestu suprać intehracyi z Rasijaj FOTA, VIDEA, ANŁAJN
abnaŭlajecca
16.34
Pavał Sieviaryniec padziakavaŭ usim udzielnikam siońniašniaj akcyi i zaklikaŭ praciahnuć jaje ŭ nastupnyja dni.
16.27
Pačaŭsia mitynh la ŭznožža pomnika Kołasu. Moładź zładžana śpiavaje «My vyjdziem ščylnymi radami» i «Mahutny Boža».
16.19
Kałona padychodzić da płoščy Jakuba Kołasa. Zvučit łozunh «Nie — anšlusu!»
15.53
Sieviaryniec zaklikaŭ ludziej addać daninu pamiaci jašče adnamu nacyjanalnamu paetu — Jakubu Kołasu. Šeście rušyła praśpiektam da jaho pomnika. Aŭtamabilisty masava vitajuć udzielnikaŭ šeścia sihnałami. Z adnaho aŭto pakazaŭsia bieł-čyrvona-bieły ściažok.
Skrynšot ź videa radyjo «Svaboda».
15.47
Kala trochsot čałaviek stajać u Kupałaŭskim skviery pierad pomnikam Janku Kupału. Mikrafony arhanizataraŭ nie vytrymali napruhi. Pramoŭcy kažuć u miehafon. Čytajuć vieršy Janki Kupały. Pačali z «Budź śmiełym!» i «Spadčyny». Vierš Kupały moža pračytać kožny achvotny.
15.33
Sieviaryniec zaklikaŭ udzielnikaŭ mitynhu prajści da pomnika Janku Kupału.
15.28
Aktyvist Andrej Šarenda ź Bieraścia zaklikaŭ rehijony dałučacca da pratestu: «Basta Łukašenku! Basta Pucinu! Basta intehracyi!»
15.27
Adzin z hałoŭnych łozunhaŭ siońniašniaj akcyi — «Dałučajsia!»
15.24
Vystupaje Viačasłaŭ Siŭčyk: «Mahčyma, hetyja darožnyja karty abiernucca dla Biełarusi miljonami žyćciaŭ. Bo Rasija — heta vajna».
15.19
Vystupiŭ dypłamat i pierakładčyk Piotra Sadoŭski. Jon zaśpiavaŭ pieśniu na Kupałaŭ vierš «A ŭ bary, bary…»:
Vybiraŭ žaŭnier
Trećciu ściežańku!
Hej, hej, hej, trećciu ściežańku!
Bo viała jana
Ŭ rodnu miežańku.
Hej, hej, hej, ŭ rodnu miežańku!
15.12
Sieviaryniec zaklikaŭ usich udzielnikaŭ akcyi, jakija sa źmiarkańniem viernucca dachaty, pościć u sacyjalnych sietkach infarmacyju pra akcyju i pra toje, što pratest praciahniecca ŭ nastupnyja dni.
15.08
Udzielniki akcyi bieśpieraškodna raźmiaščajucca na prystupkach Pałaca Respubliki. Siłavikoŭ u cyvilnym, jakija nazirajuć za akcyjaj, zastałosia niamnoha. Jany nie pieraškadžajuć ludziam.
15.00
Šeście rušyła na Kastryčnickuju płošču. Kolkaść udzielnikaŭ akcyi ŭ dadzieny momant składaje niekalki socień čałaviek.
14.56
Paśla vystupu Sieržuka Vysockaha i Niny Bahinskaj byŭ abvieščany svabodny mikrafon. Padyšoŭ turyst Siarhiej z Kazani, pra jakoha my zhadvali raniej. Jon vykazaŭ mierkavańnie, što intehracyja «nie treba biełaruskamu narodu».
Sieviaryniec abviaściŭ, što z płoščy Svabody šeście vierniecca na Kastryčnickuju płošču.
14.43
Šeście spyniłasia kala ratušy, čakajučy na reštu ludziej. Sieviaryniec pačynaje mitynh na prystupkach ratušy.
14.40
Udzielniki akcyi hrupami na zialonaje śviatło pierachodziać praśpiekt Pieramožcaŭ da płoščy Svabody.
14.30
U adkaz na zaŭvahu supracoŭnika DAI ŭ miehafon ludzi pačynajuć patrabavać, kab jon havaryŭ pa-biełarusku. Skandujuć heta ŭsie razam.
Hukajuć taksama «Niezaležnaść!» i «Dałučajsia!»
14.26
Šeście idzie pa vuzkich vulicach staroha Minska, vielmi mocna raściahnuŭšysia. Na prajeznuju častku bolš nie vychodziać. Hałava kałony znachodzicca na vulicy Internacyjanalnaj.
14.15
Paśla sprečki arhanizataraŭ ludzi viarnulisia na chodniki.
14.14
Na vulicy Vaładarskaha kałona vyjšła na prajeznuju častku i pierakryła ruch.
14.06
Paśla karotkaha mitynhu Pavieł Sieviaryniec zaklikaŭ prajści vulicami staroha horada da płoščy Svabody.
13.54
Ludzi hrupujucca kala Čyrvonaha kaścioła. Tam pačynajecca mitynh. Sieviaryniec zaklikaje pamalicca za niezaležnaść i za «zbaŭleńnie Biełarusi ad łukavaha».
13.43
Hałava kałony padychodzić da płoščy Niezaležnaści.
13.40
Pavał Sieviaryniec tak acaniŭ kolkaść udzielnikaŭ akcyi ŭ efiry radyjo «Svaboda»: «Tut niekalki razoŭ pa trysta spartancaŭ».
13.36
Źjaviŭsia pravakatar, kryčaŭ «Rośsija vpieried!» Ludzi zdali jaho milicyi. Jaho pahruzili ŭ sini bus.
13.35
Z saboj udzielniki niasuć hukaŭzmacnialnuju aparaturu. ź jaje hučać biełaruskija patryjatyčnyja pieśni.
13.30
Hałava kałony spyniłasia na placoŭcy kala KDB, čakajučy reštu ludziej. Hukajuć «Žyvie Biełaruś!»
13.30
Kałona spyniajecca na skryžavańniach, čakajučy zialonaha śviatła. Kala budynka KDB stajać ludzi ŭ cyvilnym.
13.21
Hałava kałona rušyła ŭ padziemny pierachod pad vulicaj Lenina.
13.18
Ludzi na vychadzie ź mietro, u «Centralnym» zdymajuć šeście na mabilniki.
13.16
Šeście rušyła pa chodnikach, jaho supravadžajuć ludzi ŭ cyvilnym. Udzielniki zapalili dymavuju šašku. Skandujuć «Moładź za Biełaruś!»
Padčas mitynhu parvali partret Pucina. Kavałki akuratna padabrali, kab nie śmiecić.
13.14
Kałona farmujecca. napieradzie — vialiki bieł-čyrvona-bieły ściah.
13.12
Sieviaryniec zaklikaŭ prajści šeściem pa praśpiekcie da płoščy Niezaležnaści
13.04
Sieviaryniec paŭtaryŭ słovy pra toje, što akcyja praciahniecca da ciemry i zaklikaŭ štodnia praciahvać pratest.
13.00
Aktyvistka Hanna Kavalkova źviarnułasia da milicyjantaŭ:
«Vy pavinny być z narodam, z padatkaŭ jakoha vam płaciać zarobki. Vy pavinny być z narodam».
«Ja chaču kab biełaruskaja mova hučała ŭ sadkach, škołach i ŭniviersitetach. Kab u nas była miaža z Rasijaj», — skazała Kavalkova.
12.51
Siarod udzielnikaŭ akcyi apynuŭsia turyst Siarhiej z Kazani u šaliku z rasijskim impierskim ściaham. Jon skazaŭ, što patrabavańni biełarusaŭ padtrymlivaje, a šalik taki nosić, bo prodkaŭ raskułačyli, i jon suprać balšavikoŭ.
12.48
Emacyjna vystupaje Uładzimir Niaklajeŭ: «Hetu krainu viakami małacili capami, ale jana žyvaja! I hetaj krainaj nielha handlavać!»
12.44
Vystupaje piśmieńnik Uładzimir Arłoŭ. «Na śviecie bolš za 3000 nacyj i narodnaściaŭ, ale tolki 200 zdoleli zdabyć niezaležnaść. Heta naša najvialikšaja kaštoŭnaść»
Biźniesmien Źmicier Dajnieka z dačkoj Viktoryjaj: «Chočam i budziem žyć tolki ŭ niezaležnaj Biełarusi».
12.41
Sustaršynia ruchu «Razam» Alena Tałstaja zaklikała ŭsich, chto hladzić strymy, «siudy, na Płoščy Kalinoŭskaha».
12.34
Na płoščy kala tysiačy čałaviek. Skandujuć «Łukašenka pavinien syjści!»
12.30
Sieviaryniec: «Siońnia my staim tut da ciemry i mahčyma prahulajemsia pa horadzie».
12.28
Sieviaryniec: «Sotni tysiačy našych ziemlakoŭ hinuli za niezaležnaść. I abaviazak našaha pakaleńnia hetu niezaležnaść abaranić!»
12.26
Na prystupkach Pałaca Respubliki — znoŭ sutyčka. Ludzi skandujuć «Niezaležnaść!»
Lidary na prystupkach pačynajuć mitynh.
Vystupaje Jaŭhien Afnahiel: «Žyvie Biełaruś biez Łukašenki!»
12.24
Ludzi ŭ cyvilnym strymhałoŭ biahuć da Pałaca prafsajuzaŭ, zajmajuć abaronu tam. Ludzi ŭlulukajuć, śmiajucca — i biahuć nazad da Pałaca Respubliki.
12.23
Dyjałoh miž milicyjantam i demanstrantam:
— Što vy robicie?
— Idzicie dadomu.
— U nas krainu kraduć, a ty mnie dadomu?
12.22
Sieviaryniec zaklikaŭ pierajści da Pałaca prafsajuzaŭ.
12.21
Niekatoryja «cyvilnyja» chavajuć tvary ŭ šaliki.
12.20
Čałaviek u cyvilnym sprabavaŭ zabrać u maładziona ściah. Ludzi ściah adbili. Skandujuć «Fašysty!»
12.19
Milicyjanty tłumačać prośbu syści z prystupak pytańniami biaśpieki. Natoŭp skanduje «Žyvie Biełaruś!»
12.17
U milicejskaj racyi čuvać: «Maksimalna kulturna pracavać».
Pačałasia patasoŭka. Maksim Viniarski z «Jeŭrapiejskaj Biełarusi» ŭpaŭ z prystupak i padniaŭsia. Pratestoŭcy kryčać «Hańba».
12.16
Udzielniki akcyi sprabujuć uźniacca na prystupki Pałaca Respubliki. Siłaviki ŭ cyvilnym adciskajuć ludziej uniz.
12.13
Udzielniki akcyi adychodziać ad praśpiektu da Pałaca Respubliki.
Paetka Natałka Charytaniuk.
12.10
Siarod udzielnikaŭ akcyi bahata novych maładych tvaraŭ.
12.05
Na Kastryčnickaj kala 300 čałaviek. Jašče kala sta čałaviek stajać łancuhom z druhoha boku Milicyja advodzić ludziej ad prajeznaj častki. Milicyjant ź miehafonam chodzić u atačeńni troch «cyvilnych». Jany adšturchoŭvajuć usich, chto imkniecca niešta skazać milicyjantu.
Babulka svarycca na milicyju: «Heta vašy dziejańni niezakonny, a našy patrabavańni zakonny. Što heta takoje, maim baćkam pry Hitlery nie davali z chaty vychodzić, a mnie pry svaim Łukašenku nie dajuć?»
12.02
Dziasiatki ludziej pryjšli z nacyjanalnymi ściahami.
12.00
U natoŭpie na Kastryčnickaj zaŭvažanyja palityki — Pavieł Sieviaryniec, Aleś Łahviniec, Juraś Hubarevič, Mikałaj Kazłoŭ.
11.55
Na Kastryčnickaj płoščy pad sotniu čałaviek, ale narod aktyŭna padciahvajecca, pieradaje karespandent NN. Razharnuli ściahi BCHD, BNF. Płakaty «Pradavaj svaje kavuny», Nijakaj intehracyi».
11.47
Ludzi razychodziacca: łancuh płanavaŭsia ciaham 15 chvilin — ad 11.30 da 11.45. U akcyi ahułam uziali ŭdzieł niekalki socień čałaviek. Ludzi pryjšli ź ściahami, niekatoryja pryjšli siemjami. Aŭto na praśpiekcie sihnalili, padtrymlivajučy ŭdzielnikaŭ łancuha.
11.46
Da ŭdzielnikaŭ łancuha padyšoŭ milicyjant ź miehafonam i pa-biełarusku paprasiŭ razyjścisia.
11.35.
U rajonie Kastryčnickaj płoščy — niekalki dziasiatkaŭ, paviedamlaje karespandent NN. Udzielniki biarucca za ruki. Kala cyrka — kala 80 čałaviek.
Ab 11.30 na praśpiekcie Niezaležnaści ŭ Minsku pačali źbiracca ludzi na «žyvy łancuh». Kala paštamta — 100 čałaviek, piša tut.by.
Napiaredadni ŭ sacyjalnych sietkach masava pašyralisia prapanovy ŭ dzień sustrečy Alaksandra Łukašenki i Uładzimira Pucina ŭ Sočy vykazać svaju niazhodu z mahčymaj «intehracyjaj» z Rasijaj.
Roznyja inicyjatyvy vystupili z roznymi idejami.
«Kali pratestu nie budzie, tavaryš Piaskoŭ zmoža spakojna paŭtaryć słovy zdradnika Ankviča na Niamym sojmie ŭ Harodni 1793-ha: «Mołčanije jesť znak sohłasija», — napisaŭ lidar chryścijanskich demakrataŭ Pavieł Sieviaryniec.
«Naša meta — davieści, što biełarusy nie prymajuć tajemnych damoŭlenaściaŭ pamiž uładami Biełarusi i Rasii, i nie zhodnyja na toje, kab los krainy vyrašaŭsia bieź ich udziełu!», — udakładniaje zasnavalnik «Biełaha Lehijona» Siarhiej Čysłaŭ.
