Minskaje «Dynama» prajhrała ryžskamu ŭ haściavym matčy KCHŁ
Chakieisty minskaha «Dynama» paciarpieli parazu ad adnakłubnikaŭ z Ryhi ŭ haściavym matčy Kantynientalnaj chakiejnaj lihi ź likam 2: 3, paviedamlaje BiełTA.
Pieršy pieryjad skłaŭsia nie najlepšym čynam dla minčukoŭ. Na 4-j chvilinie varoty haściej prabiŭ napadajučy ryžskaj kamandy Eštan Karter. Nieŭzabavie za im rušyŭ Hints Miejia - 2: 0. Litaralna praź niekalki siekund abaronca minčukoŭ Uładzisłaŭ Jaromienka skaraciŭ adstavańnie ŭ liku. Adnak praź dźvie chviliny Eštan Karter aformiŭ dubl - 3: 1.
Druhaja dvaccacichvilinka prajšła ŭ aktyŭnym supraćstajańni dźviuch kamand, ale zaviaršyłasia biez zakinutych šajbaŭ.
U trecim pieryjadzie tolki adna ataka hadavancaŭ Krejha Vudkraftam skončyłasia ŭziaćciem niepryjacielskich varot: za siem z pałovaj chvilin da finalnaj sireny vyznačyŭsia Andrej Kaścicyn - 2: 3. U vyniku, «zubry» paciarpieli druhuju zapar parazu.
Nastupny matč minčuki praviaduć u haściach u finskaha «Jokieryta» 11 kastryčnika.
