Čarapacha ŭ Vialikabrytanii źbiehła ad haspadyni. Za 15 miesiacaŭ jana prapaŭzła niekalki kvartałaŭ
Upi
Žycharka Vialikabrytanii Ketryn Piejnter znajšła čarapachu praz 15 miesiacaŭ za niekalki kvartałaŭ ad ułasnaha doma. Pra heta paviedamlaje sajt UPI.
Žychary adnaho z damoŭ u Rejśbiery (hrafstva Bierkšyr) pabačyli ŭ svaim sadzie čarapachu i paviedamili pra znachodku supracoŭniku Karaleŭskaha tavarystva abarony žyvioł ad žorstkaha abychodžańnia Karłu Choŭnu.
Choŭn zabraŭ čarapachu. Jana nie była čypavanaja, ale dziakujučy sacsietkam udałosia vyśvietlić, što žyvioła naležyć Piejnter.
Žančyna paviedamiła ŭładam, što jaje čarapacha Sibiła źbiehła z doma kala 15 miesiacaŭ tamu. Piejnter žyvie za niekalki kvartałaŭ ad sada, dzie była znojdziena reptylija. Pa słovach haspadyni žyvioły, paśla doŭhich sprob znajści čarapachu jana nie spadziavałasia ŭbačyć hadavanku znoŭ. Piejnter apaznała žyviołu na fotazdymkach pa plamy na pancyry. Jana śćviardžaje, što za 15 miesiacaŭ čarapacha zusim nie źmianiłasia.
Piejntier zabrała Sibił z centra pieratrymki žyvioł i adviezła dachaty, dzie jana trymaje jašče čatyroch čarapach. Jana źbirajecca čypavać hadavanca na vypadak, kali čarapacha znoŭ uciače.
