Što pakłaści dziciaci ŭ ssabojku ŭ škołu? Raić dyjetołah
Jak pavinna vyhladać ssabojka školnika i ci miesca ŭ joj buterbrodam, raskazvaje dyjetołah-endakrynołah Volha Aŭčyńnikava.
Dyjetołah-endakrynołah Volha Aŭčyńnikava.
«Vielmi važna, kab ssabojka składałasia z praduktaŭ, jakija padabajucca dziciaci, kab pradukty nie chutka psavalisia, byli nadziejna zapakavany, biez ryzyki zapeckać rukzak i kab jaje było zručna jeści va ŭmovach škoły. Naprykład, nie kožnamu školniku budzie kamfortna dastać słoičak supu. Nie lepšym varyjantam budzie štości z vyraznym pacham (naprykład, advarnyja jajki)», — kaža doktarka.
Kali dzicia śniedaje ŭ škole i budzie abiedać doma, to sadaviny (jabłyka ci hrušy) i žmieni arechaŭ budzie całkam dastatkova. Taksama dobrym varyjantam budzie nievialikaja ŭpakoŭka hrečaskaha johurtu ci tvaražok (tolki nie hłaziravany syrok).
Kali abied doma nie płanujecca, to dla ssabojki treba praduhledzieć bolš sytny varyjant. Padydzie karysny buterbrod: zamiest biełaha batona — žytniovy chleb (dla raznastajnaści možna łavaš), zamiest kiłbasy — zapiečanyja kurynyja hrudki (abo indyčku, rybu, syr) i abaviazkova harodninu i zielaninu. Masła časam možna zamianiać na avakada. Taki karysny buterbrod budzie vielmi apietytnym i zručnym.
Fota abra.by.
Kali dzicia ŭ škole nie śniedaje, to pakładzicie jamu z saboj kašu (naprykład, aŭsianuju) z dabaŭleńniem fruktaŭ, jahad, suchafruktaŭ ci arechaŭ.
