Łukašenka: Hetak zvanaja apazicyja zaniepakojenaja finansavym składnikam Jeŭrahulniaŭ. Što im ni zrabi, usio drenna
Alaksandr Łukašenka pacikaviŭsia finansavymi vynikami II Jeŭrapiejskich hulniaŭ. Pry hetym jon padkreśliŭ, što praviadzieńnie takich forumaŭ źjaŭlajecca honaram dla luboj krainy, piša BiełTA.
«Ja vam daručaŭ, kali ŭ nas pačynalisia, i my rychtavalisia da Jeŭrapiejskich hulniaŭ, uziać na kantrol finansavy bok spravy. Vy ž razumiejecie, što heta surjoznaje pytańnie. Heta miljony dalaraŭ, jakija my patracili na praviadzieńnie hetych hulniaŭ. I vielmi važna dla luboha pradprymalnictva abo biznesu, nakolki my zmahli kampiensavać hetyja vydatki, nakolki možna padličyć ich», — skazaŭ kiraŭnik krainy na sustrečy ź pieršym vice-premjer Alaksandr Turčynym i vice-premjeram Uładzimiram Dvornikam.
Alaksandr Łukašenka zaŭvažyŭ, što hetym pytańniem byli vielmi zaniepakojenyja niekatoryja hramadzianie. «Heta ŭ asnoŭnym tak zvanaja apazicyja (im, što ni zrabi, usio drenna). Jany zakłapacilisia, što my nie kampiensavali, nie pierakryli tyja marnavańni, jakija byli ažyćcioŭleny napiaredadni i padčas praviadzieńnia hetych hulniaŭ.
Jany spres zabyvajuć, što takoje imidž Biełarusi, što takoje turystyčny prytok padčas hulniaŭ, asabliva paśla hulniaŭ, a jon pavialičvajecca, jaki prybytak, jaki prybytak prynieśli hetyja hulni našym kampanijam - hramadskamu charčavańniu, muziejam, artystam i hetak dalej», — adznačyŭ biełaruski kiraŭnik.
