Estonija nie budzie pryznavać rasijskija pašparty, vydadzienyja na Danbasie
MZS Estonii pastanaviŭ, što nie budzie pryznavać rasijskija pašparty, vydadzienyja žycharam Danieckaj i Łuhanskaj abłaściej Ukrainy paśla 24 krasavika 2019 hoda. Vyklučeńnie — kali ŭłaśnik takoha pašparta raniej užo byŭ hramadzianinam Rasii. Pastanova była pryniataja 5 žniŭnia i ŭstupiła ŭ siłu, paviedamlaje pres-słužba viedamstva.
Pa słovach ministra zamiežnych spraŭ Estonii Urmasa Rejnsału, hety krok — adkaz na padpisany ŭ krasaviku prezidentam Rasii rehłamient, jaki dazvalaje apieratyŭna nadavać rasijskaje hramadzianstva žycharam Danieckaj i Łuhanskaj abłaściej. «Nadańnie žycharam uschodniaj Ukrainy paskoranaha hramadzianstva Rasii - jašče adna sproba padarvać niezaležnaść Ukrainy i ŭviekaviečyć isnujučuju niestabilnuju situacyju ŭ śfiery biaśpieki na ŭschodzie Ukrainy. Heta całkam suprać duchu Minskich pahadnieńniaŭ», - rastłumačyŭ Rejnsału.
«Siońniašniaje rašeńnie Estonii adlustroŭvaje naša pryncypovaje asudžeńnie ambicyj Rasii takoha charaktaru», - dadaŭ jon.
Raniej Estonija vyrašyła nie pryznavać pašparty Rasijskaj Fiederacyi, vydadzienyja ŭ Krymie i Sievastopali miascovym žycharam paśla 18 sakavika 2014 hoda, kali ŭłaśnik pašparta raniej nie byŭ hramadzianinam Rasii.
